LH2 gela birtuala: PLASTIKA

PLASTIKA etiketadun mezuak erakusten. Erakutsi mezu guztiak

2021(e)ko otsailaren 8(a), astelehena

ESKULANA (Iñauteriak)

Kaixo lagunak!!

Iñauteriak bertan ditugu eta asteazkenean ondoren agertzen den argazkian bezala kareta bat margotu, apaindu moztu eta jantziko dugu.

Material guztia ikastolan dugu prest baina lumak falta zaizkigu. Hortaz, bakoitzak 4 luma txiki ekarriz gero prest izango dugu guztia!!

Hementxe argazkiak:

2021(e)ko urtarrilaren 28(a), osteguna

Jakingo duzuen bezala Erdia Aroarekin amaitzeko Elgoibarko auzo, plaza eta inguruetako maketak egin ditugu. Lan bikaina egin ondoren, Ikastolako erdiko aretoan gainontzeko ikasle eta irakasleentzat erakusketa antolatu dugu.

Zer iruditzen zaizkizue gure artelanak?

2020(e)ko otsailaren 7(a), ostirala

PLASTIKA

Kaixo!!

Dakizuen bezala Nabigatzaile, Pirata eta balearen inguruko gaian murgilduta gaude. Datorren ostegunean plastikako saioan egingo dugun eskulana egiteko hau da behar duguna:

- Komuneko tutu bat.

- Koloreetako 6 luma.

- Koloreetako soka bat.

Gainontzeko materiala prest daukagu Ikastolan!!

Hementxe argazkia:

2019(e)ko abenduaren 19(a), osteguna

KROS MUGERTZA MARRAZKI LEHIAKETA

Kaixo!

Aurten ere heldu zaigu Kros Mugertzako marrazki lehiaketan parte hartzeko deialdia. Nahi duenak, parte hartzeko aukera edukiko du. Hona hemen lehiaketaren xehetasunak:

ANTOLATZAILEAK: Mintxeta Atletismo Taldea eta Elgoibarko Udaleko Haur, Nerabe eta Gazteen Sustapeneko Saila.

PARTE-HARTZAILEAK: Lehiaketa honetan, Elgoibarko 6 eta 12 urte bitarteko edozein haurrek har dezake parte.

GAIA: 2019ko LXXIV. Juan Muguerza Krosa, herriaren eta lasterketaren arteko harremana.

MODALITATEA: Lanen aukeraketa errazteko, marrazkiak 220 x 300 milimetroko (DIN A4) lamina normalizatuetan aurkeztu beharko dira (paperean).

Teknika librea izango da; kolorezko arkatzak, errotuladoreak, tintak, akuarelak, collagea e.a. erabili ahal izango dira.

AURKEZTEKO EPEA: 2020ko urtarrilaren 7a (ikastolan bertan jasoko ditugu).

LANEN IDENTIFIKAZIOA: Marrazki bakoitzaren atzean izenburua edo leloa eta maila bakarrik jarriko da (LH2), hau da, ez da haien izena agertu behar.

2018(e)ko maiatzaren 4(a), ostirala

PROIEKTU BUKAERAKO BIDEOA

Hona hemen ASMATZAILE eta LANBIDE gaiak uztartzen dituen gure proiektuko bideoa. Goza dezagun irudiekin! Zorionak denoi, lan bikaina burutu duzue eta!

https://www.youtube.com/watch?v=dWakUsYAv-U&feature=youtu.be

2017(e)ko abenduaren 11(a), astelehena

PLASTIKA

2.UNITATEA

BOGA-BOGA MARIÑELA

Aupa! Goaz arrainen antzera uretan murgiltzera. Aurreko unitatean kriston maketa politak egin genituen. Oraingo honetan berriz, ikastola, guk geuk eginiko aquariumez beteko dugu.
Proiektuari hasiera emateko irrikitan gaude.

GOGOAN IZAN:

ZAPATA KAXAK BEHAR DITUGU!!!!!

Ereduen antzekoak egiten ahaleginduko gara.

Ondoren, maketekin egin dugun bezala, Erdiko Aretoan ikusgai izango dituzue.

EA BA LORTZEN DUGUN!!!!

2017(e)ko azaroaren 13(a), astelehena

HERRI ETA HIRIEN MAKETAK

Erdiko aretoan material desberdinak berrerabiliz burutu ditugun maketak ikusgai!

2017(e)ko urriaren 3(a), asteartea

1.UNITATEA PLASTIKA

NOLAKO TXABOLA

Erdi Aroko herrietako kaleak estuak eta ilunak ziren eta horrez gain, zaborra bertara botatzen zuten. Gaur egun ostera, ez da horrelakorik gertatzen, herrietako kaleak zabalagoak, argiagoak dira eta hobeto zaintzen ditugu.

KRISTON PROIEKTUA martxan jartzea bururatu zaigu:

Gure asmoa HERRIEN MAKETAK eraikitzea da.

Hona hemen oinarritzat hartuko ditugun eredu batzuk.

Laister guk geuk egindakoak ikusteko aukera izango duzue.

ZATOZTE GURE LAN BIKAINAK IKUSTERA!!

2017(e)ko maiatzaren 11(a), osteguna

5.GAIA- BIRZIKLAPENA

Gai berriarekin batera proiektu berritzaile bati ekin diogu LH2.mailako ikasle eta irakasleok.

Hiru geletako ikasleek interesaren arabera elkartuta, taldeak sortu eta astean 4-5 orduz batera lan egin eta proiektua aurrera eramaten ari dira.

Proiektu honen erronka museo eta azoka bat egitea izango da eta bertan ikasleek sortutako eskultura, jostailu eta gauza erabilgarriak erakutsiko dira. "Souvenir-ak" saltzen diren dendatxo bat ere aurkituko duzue eta nahi izanez gero, haurrek eginiko eskulanak erosteko aukera egongo da.

Honez gain, proiektu honetan emandako pausoak eta egindako lana ikusi eta ulertzeko beta izango duzue.

Hemen dituzue proiektuan murgilduta dauden ikasle batzuen argazkiak: lanen eta arduren banaketa egiten, proiektuaren diseinua egiten eta neurriak hartzen ikasten ari dira besteak beste.

2016(e)ko urriaren 25(a), asteartea

LH2ko ARKITEKTOAK

Ostiralean gure ikasleak arkitekto lanak egin zituzten eta bakoitzak bere gazteluaren maketa sortu zuen.
Hona hemen lanen argazkiak:

MAKETA ARGAZKIAK