Asteartean Pello Arrieta historialari eta irakasle ohia izan genuen gurean. Erdi Aroa gaia lantzen ari garenez eta bera aditua izanik, ikastolara etortzeko prestutasuna azaldu zuen. Bere biloba eta gainontzeko ikaskideei azalpen guztiak eman eta beraien galderei erantzuten jardun zuen. Mila esker Pello! Gure azken proiektua Elgoibar herriari buruzko maketa-puzle bat sortzea izango da eta horretarako ere, oso baliagarria izan zaigu. Laister kalera irteera egingo dugu, Elgoibarko eraikin historiko eta kaleak ezagutzeko. ARGAZKIAK
Kaixo, Ikusi makusi irudi erraldoiak erabiliz ipuin kontaketa partekatua egin dute gure ikasleek. Taldeka, gainontzekoei ipuina kontatu dute eta ipuin batek dituen zatiak bereiziz: hasiera, korapiloa eta amaiera, antolatzaile desberdinak erabili dituzte: Behin batean, ondoren, geroago, azkenean... Garrantzitsuak dira antolatzaile hauek ideiak ordenatzen eta bereizten laguntzeko, baita bakoitzean zer kontatu daitekeen jakiteko ere. Elgoibarko liburutegian topatu daitezke letra gabeko ipuinak, irudimena, pentsamendua eta ahozko hizkuntza hobetzen lagunduko digutenak.
Kaixo! Badakizue gure ikastolan irakurzaletasuna bultzatzeko ekintza batzuk egiten ditugula. Gelako liburutegia dugu, liburutegira irteera egin dugu, irakurmetroa osatzen dugu, motxila ibiltaria martxan dago eta irakurketa tarteak errespetatzen dira (astelehenetan irakurketa ozena taldean eta ostiraletan isila bakarka) Aurten bi irakurmetro ditugu, bata gelakoa denen artean osatzen duguna eta astero ikasle bakoitzak bere gustuko ipuina ekartzen duena, irakasleak konta eta denok goza dezagun. Beste irakurmetroa, agendan itsatsita dugu eta norbera berea betetzen joan behar da irakurri ahala. Motxila ibiltaria ere biraka dabil eta astebeteko tartea dago, liburua behin baino gehiagotan irakurri, ulertu, honi buruz hitz egin, familiako norbaitek umeei kontatu eta beste behin ere gozatzeko. Honez gain, ostiraletan ordu erdi gordetzen dugu norberak etxetik ekarri duen liburua lasaitasunezirakurtzeko. Oso harrera ona izan du ikasleen artean eta eguneko edozein momentutan eskatzen dute liburua irakurtzeko (jolas orduan edo libre duten edozein momentutan)
Dakizuen bezala pasa den ostegunean, Liburutegira irteera egin genuen, eta aurtengoa ere oso irteera interesgarria izan da. Bertako langileek, LH2.mailarako egokiak diren liburuak erakutsi zizkiguten (Argazkian agertzen diren 3 kajoi hauetakoak dira).
Liburu desberdinak daude letra askorekin, letra gabeko ipuinak (norberak asmatzeko), sentimendu ipuinak, abenturazkoak... Ostiralean hasiko gara Motxila ibiltariarekin eta iaz bezala, astebeteko epea izango dute ikasleek liburuak irakurri, balorazioa egin eta ikastolara itzultzeko. * Irteerako argazkiak: https://photos.app.goo.gl/bDdvnfgvtguNtvBE7
Azken aste hauetan gorputz hezkuntzan zirkoa landu dugu. Bertan, talde txikietan zirkoan agertu ohi diren pertsonai desberdinen lanak burutu dituzte gure ikasleek! Zirkoaren gainean klik eginez proiektua laburbiltzen duen bideoa ikusteko aukera daukazue! Gora gure zirkoa!
Gaur gure ikasleek, Juul kanpainaren baitan egiten diren hauteskundeetan parte hartu dute!
Juul kanpaina irakurzaletasuna bultzatzeko asmoz Ikastolen Elkarteak
antolatzen duen ekimena da. Ikasturtean zehar irakurtzen diren liburuen
artean gustukoenak direnak bozkatzen dira, eta, horretaz gain,
ilustratzaileei ere euren tartea eskaintzen zaie.
Aste honetatik hasita, gure hurrengo proiektu berrian murgilduko gara: Asmatzaileak! Eta... zertan datza proiektu hau?
Asmatzaileak proiektua, lehengo zientzialari, ikertzaile eta asmatzaileak eta egungo lanbideak uztartzen dituen proiektu bateratua da. Lehenik eta behin, iraganeko asmatzaileak aztertzen hasiko gara. Azkar ohartuko gara gizonezkoak bakarrik agertzen direla testu liburuetan. Honi erantzuna emateko asmoz, ikerketa lantxo bat eginez emakume zientzialari eta ikerlariak landuko dira Martxoak 8-aren harira eta honen inguruko lantxoa burutuko dugu. Gero, lanbideak landuko ditugu eta lanbide hauetan zer asmakuntza eman diren eta hauek izan duten garrantzia aztertuko dugu. Azkenik, proiektuarekin amaitzeko, lanbide bakoitzarekin lotutako amaierako lana burutuko dugu.
Aste honetan planetarium ekintzaren bitartez gure gaiarekin lotutako, hau da, unibertsoarekin lotutako gauza berriak ikasteko eta horiekin gozatzeko aukera eduki dugu. Hona hemen argazki batzuk!
2017(e)ko abenduaren 11(a), astelehena
EUSKARA
2. UNITATEA
BOGA BOGA MARINELA!
Hirugarren unitate honetan Maddalen eta Ferminekin batera marinel bilakatuko gara 2. mailako ikasleak, piraten munduan murgilduz!
Unitatean zehar, denboraren makina hartu eta garai ezberdinetara bidaiatuko dugu, bidean euskal arrantzale eta Elakno bezalako pertsonaia garrantzitsuekin topo eginez. Baina... Lanekin hasi baino lehen, zergaitik ez dugu Domingo Gorringo pirata ezagutzen????
Ipuin polita ezta??? Ekin diezaiogun ba lanari!
Gai honetan, biografia eta ipuinen laburpena landuko ditugu. Horrez gain esaldien egituran ere, sakonduko dugu.
BIOGRAFIA LANTZEN
2. GAIARI LOTUTAKO ARIKETA EZBERDINAK
Guzti honetaz gain, irakurketa-idazketa lantzeko ariketak egiten jarraituko dugu, kopiaketak, diktaketak,irakurketa ozena nahiz isila, hitzen banaketa eta ulermen fitxak. 3. HITZEN BANAKETA ZUZENTASUNA ETA ULERMEN ARIKETA
Asteartean Pello Arrieta historialari eta irakasle ohia izan genuen gurean. Erdi Aroa gaia lantzen ari garenez eta bera aditua izanik, ikastolara etortzeko prestutasuna azaldu zuen. 
