2021(e)ko irailaren 17(a), ostirala
2021(e)ko apirilaren 15(a), osteguna
Lanbideen photocall-a
Kaixo!
Asmatzaile eta lanbideen gaiarekin aurrera goaz. Datorren astean labideen photocall-a prestatuko dugu eta horretarako zuen laguntza behar dugu.
Ikasle bakoitzak bere burua sartu ahal izateko kartoi edo kartulina zati bat beharko du (behean argazkia). Gainontzeko materiala gelan daukagu prest kartulinak edo kartoiak diseinatu, marraztu, margotu eta apaintzeko!!
Mila esker!
Gutxigora beherako neurriak: 40 x 55 zentimetro
2021(e)ko martxoaren 22(a), astelehena
INTRUMENTU BERRIA: TXIRULA
Aste Santuko oporretatik bueltan, musikan txirularekin hasi gara! Lehen Hezkuntzan zehar joko dugun haizezko instrumentua!
Ikasturte honetako helburua SI LA SOL notak jotzen ikastea izango da. Espero dugu denon artean musika tresna honekin gozatzea!
2021(e)ko otsailaren 8(a), astelehena
ESKULANA (Iñauteriak)
Kaixo lagunak!!
Iñauteriak bertan ditugu eta asteazkenean ondoren agertzen den argazkian bezala kareta bat margotu, apaindu moztu eta jantziko dugu.
Material guztia ikastolan dugu prest baina lumak falta zaizkigu. Hortaz, bakoitzak 4 luma txiki ekarriz gero prest izango dugu guztia!!
Hementxe argazkiak:
2021(e)ko urtarrilaren 28(a), osteguna
Elgoibarko maketak
Kaixo lagunak,
Jakingo duzuen bezala Erdia Aroarekin amaitzeko Elgoibarko auzo, plaza eta inguruetako maketak egin ditugu. Lan bikaina egin ondoren, Ikastolako erdiko aretoan gainontzeko ikasle eta irakasleentzat erakusketa antolatu dugu.
Zer iruditzen zaizkizue gure artelanak?
2020(e)ko azaroaren 13(a), ostirala
SANTA ZEZILIA
Kaixo!
Gertu daukagu Santa Zezilia eguna. Musika instrumentu batzuk egitea bururatu zaigu. Beraz, datorren asterako hau da behar duguna:
-Txitxirio (garbantzo) eskukada bat
-Gaztatxo kaxa bat
Gainontzeko materiala Ikastolan daukagu prest!!
Hementxe argazkiak:
2020(e)ko urriaren 29(a), osteguna
Matematika LH2
Kaixo guztioi,
Zuetako askok eskatu diguzuenez, ondorengo sarreran eskuragarri dituzue matematikako saioetan erabiltzen aritu garen jolas entretenigarri batzuen linkak.
(E (ehuneko) / H (hamarreko) /B (bateko))
http://www.ictgames.com/flipCounter/mobile/index.html
Bisualki hamarrekoak eta ehunekoak noiz sortzen diren ikusteko jolas aproposa da. Batekoak eta hamarrekoak gehitu eta kentzen ere jolas daiteke.
Zenbakikuntza lantzeko (Adierazten diren zenbakiak 100eko taula hutsean kokatu)
https://www.mathplayground.com/treasure_quest_hundreds_chart/index.html
Zenbakiak ehuneko taulan kokatzeko jolasa da ondorengoa. Azpian adierazten den zenbakia taulan kokatu behar da. Geizki kokatuz gero, aurreko edo ondorengo zenbakia kokatuko da automatikoki pista emateko. Zenbaki altuagoekin lantzeko aukera ere ematen du.
Simetria lantzeko
Simetria lantzeko jolasa da. Ezkerraldean gorriz markatuta dagoen karratua markatu beharko dugu eskuinaldean ere. Zuzen egiten dugun momentuan beste karratu bat adieraziko digu jolasak.
Goian, jolas bera, bertikalean jartzeko aukera dugu.
Zenbaki baxuekin batuketak lantzeko (Buruzko kalkulua)
Goian eskumaldean azaltzen zaigun zenbakia lortu behar dugu taulako zenbakiak batuz. Denbora oso gutxi ematen du beraz, kalkulua azkar egin beharko dugu.
Jolasak 3 modu eskaintzen ditu.
Buruzko kalkulu erraza
Uretako motorren karrera batean, aurrera egiteko eragiketaren emaitza asmatu beharko dugu.
https://www.arcademics.com/games/jet-ski
Aurreko jolasaren berdina da baina oraingoan kenketak egin beharko ditugu.
https://www.arcademics.com/games/island-chase
Azkenengo jolas honetan, goitik erortzen diren eragiketeri tiro jo beharko diogu. Baina kontuz! emaitza, azpian adierazten den zenbakia izan beharko da.
https://www.arcademics.com/games/mission
Harpidetu honetara:
Mezuak (Atom)